Thomas Tuchel ka dhënë një deklaratë të ashpër për lojtarët e tij pas humbjes së Bayern Munich në Champions League ndaj Lazios.
Për të shtuar presionin ndaj trajnerit, Bayern Munich është pesë pikë prapa kryesuesit të Bundesligas, Bayer Leverkusen dhe duket se dominimi i tyre 11-vjeçar në Gjermani është në rrezik.
Pas humbjes së fundit 1-0 në Lazio në ndeshjen e parë të raundit të 1/16-ve të Champions League, Tuchel kishte disa shpjegime për paraqitjet e fundit të Bayernit.
Dhe të mërkurën, trajneri është treguar i pamëshirshëm me lojtarët e tij.
Ai ka thënë: “Nuk jeni aq të mirë sa mendova”, sipas gazetarit të Sky, Riccardo Basile.
Problemet serioze për Tuchel filluan pasi skuadra e tij nuk arriti të siguronte tri pikët ndaj Leverkusenit, që mposhti skuadrën e Tuchel 3-0 fundjavën e kaluar.
Ish-trajneri i Chelseat iu bashkua gjigantit gjerman vetëm 11 muaj më parë dhe kontrata e tij nuk do të skadojë deri në vitin 2025.
Por sipas The Times e ardhmja e tij varet nga një fije.
