Një person sheh një pikë kontrolli policie në Sitges të Barcelonës në Spanjë, del me vrap nga makina dhe përpiqet të fshihet në një pyll aty pranë për të shmangur arrestimin.
Megjithatë, ai nuk ia doli dhe përpjekjet e tij për të zbritur një përrua dhe për të arritur në një zonë që ishte e vështirë për t’u aksesuar nuk funksionuan.
I arratisuri, 40 vjeç dhe me kombësi shqiptare, u arrestua përfundimisht nga policia spanjolle, pasi u arratis nga agjentët në autostradën C-31. Por jo vetëm ai u arrestua për shmangie të postbllokut, por pasi e identifikuan ata zbuluan se personi kishte një urdhër-arresti me burg dhe një urdhër për dëbim nga vendi.
Shqiptari, gjatë arrestimit, ka luftuar me një nga agjentët, të cilit i ka shkaktuar lëndime të lehta në kyçin e dorës. Më vonë ata zbuluan shkakun e arratisjes dhe nervozizmin e dukshëm të burrit kur pa kontrollin e Gardës Civile.
Identiteti i të arrestuarit nuk bëhet i ditur nga raportimet e mediave lokale.
