Personi në foto është i dyshuari i grabitjes së ndodhur javën e kaluar në një dyqan celularësh në zonën e “21 Dhjetorit” në kryeqytet.
Policia e Tiranës premton 5 000 shpërblim financiar, për këdo që jep informacione të vlefshme për kapjen e të kërkuarit Afrim Dulaj, 43 vjeç, banues në kryeqytet.
“DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij. Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118, duke garantuar anonimatin e plotë të çdo telefonuesi”, njofton policia.
Ngjarja ndodhi paraditen e 6 Shkurtit. “Rreth orës 09:30, një person me maskë të zezë dhe me një xhup të kuq, nën kërcënimin e një sendi të dyshuar si armë zjarri pistoletë, ka marrë disa aparate celular në dyqanin e shtetasit M.F., dhe më pas është larguar”, njoftoi policia.
