Deputetja e Partisë Dekomratike, Ina Zhupa e ka krahasuar çështjen e Butrintit me atë të prishjes se Teatrit kombëtar nga qeveria.
Në një lidhje me Skype për ‘A Show’ në Syri Tv, Zhupa u shpreh se Gonxhe, pa u gjykuar ende nga Gjykata Kushtetuese nëse ky vendim i dhënies së kësaj zone të mbrojtur është e drejtë, po kërkon të shkarkojë stafin që ta zëvëndësojë me njerëzit e tij.
“Janë njerëz që punojnë në shtet, kanë dhënë kontribut, që kanë marrë vlerësime në këtë raportin që fsheh shteti. Ndër të tjera ka vlerësime për stafin që punon në Butrint, për eksperiencën që kanë, për mënyrën që e menaxhojnë me ato fonde që ka pasur Butrinti. Pra, ka merita. Ti nuk mund të vish në koncensionar dhe ti thuash atyre jepsni dorëheqjen të gjithë se unë do sjell stafin tim këtu, do vë njerëzit e mij sepse ajo nuk është toka jote private pavarsisht se ta ka dhënë Edi Rama si koncension. Ajo është pasuri publike kombëtare. Gjykata Kushtetuese është duke të gjykuar nëse ky vendim është në p;ërputhje me kushtetutën apo jo, dhe ti të avancosh në këtë axhendë, mua më kthen rimenishencat e Teatrit Kombëtar që gjykata Kushtetuese e gjykonte dhe këta e shembnin natën e pandemisë”, tha Zhupa.
