Tezja e 27-vjeçares Sibela Abedini thotë se mbesa e saj është kërcënuar që është detyruar të ndërmarri aktin e vetëvrasjes. Në një intervistë për RTSH, tezja thotë se vajza në foton intime që qarkullojnë në internet nuk është mbesa e saj dhe se nuk kishte asnjë lidhje me personin e arrestuar.
Tezja madje konfirmon se momenti i vetëvrasjes së Sibelës është filmuar nga një person dhe për këtë shton se ia ka konfirmuar policia.
Për ngjarjen e rëndë policia ka arrestuar 39-vjeçarin Altin Çoku, i cili akuzohet se kërcënonte përmes publikimit të fotove intime 27-vjeçaren, e cila u hodh nga kati i 4-t i banesës në Kamëz.
Pyetje: Jemi këtu me tezen e Sibelës. Do doja ta nisja nga momenti kur ka ndodhur ngjarja ku ishin dhe çfarë tha për herë të fundit Sibela?
Unë isha në punë. Kur erdha në shtëpi po loznim, po qeshnim, po bisedonim dhe nuk tha asgjë, as për ndonjë shqetësim apo ankth.
Pyetje: Sa kohë kishte Sibela që jetonte në këtë shtëpi?
Sibela kishte 1 muaj e 3 ditë që jetonte këtu pasi kishte ardhur nga Kosova pasi jetonte atje. Ka qenë në bashkëjetesë me një shqiptar të Kosovës dhe ka një fëmijë me të. Kishin pasur disa zëna dhe erdhi këtu deri sa të qetësohej.
Pyetje: A ju kishte thënë ndonjëherë Sibela që ishte e stresuar apo kishte probleme që mund ta çonte në vetëvrasje?
Jo fare nuk ka folur për asgjë, nuk na jepte ndonjë shenjë që të kishte ndonjë shqetësim
Pyetje: Ju kishte thënë pse vendosi të kthejë në Shqipëri?
Kishte pasur zënka me të shoqin dhe vetëm që të qetësohej, mbase rikthehej prapë të bashkëshorti.
Pyetje: Çfarë raporti ka pasur familja me Sibelën, a do e mbështesni nëse do vendoste të ndahej nga bashkëshorti?
Po patjetër ne kemi pasur shumë lidhje të mira me Sibelën, sidomos unë.
Pyetje: Në media ka qarkulluar një foto ku Sibela shfaqet me një person që akuzohet si personi kryesor që shty Sibelën të ndërmerrte këtë akt?
Sibela nuk ka pasur raport me atë person, nuk ka pasur fare lidhje me të ajo thjeshtë ka kërkuar të punojë dhe 2 ditë ka vajtur të pastrojë shtëpinë e atij personi dhe nuk ka pasur fare lidhje me atë. Ajo foto që është hedhur në rrjete sociale nuk është goca, Sibela nuk është e shëndoshë dhe nuk ka qenë kurrë, Sibela është e dobët dhe e shkurtër, ajo foto që qarkullon nuk është mbesa ime.
Pyetje: Sibela personalisht sa kohë kishte që e njihte këtë person dhe si e ka njohur?
Nuk ka pasur shumë më pak se një javë, ku Sibela vajti të punonte atje. Ja gjeti e ëma punën.
Pyetje: Pra mamaja ishte ura lidhëse mes tyre, nuk kanë pasur kontakte në rrjetet sociale?
Jo fare as nuk e njihte vetëm kërkonte punë. Edhe e ëma i tha do shkojmë të dyja të pastrojmë një shtëpi, ku njëherë vajti me të ëmën dhe një herë vetëm. Ajo vetëm një herë ka hyrë vetëm në atë shtëpi.
Pyetje: Po fjalët se ai e kërcënonte, i shkruante?
Fare, fare nuk ka fol asnjë fjalë.
Pyetje: Po për foton që qarkullonte që mendohej se ishte Sibela, ju kishte thënë ndonjëherë që kishte shqetësim për këtë?
Jo fare nuk ka thanë asgjë
Pyetje: Nuk janë dyshime që ju i keni për këtë akt të Sibelës?
Për mua si teze ai e ka kërcënuar se do hedhë foto që goca më ndërmori këtë akt. Gjë tjetër nuk di çfarë të them.
Pyetje: Mendoni se ka persona të tjerë të përfshirë në këtë ngjarje, apo vetëm personi i arrestuar?
Me sa më thënë janë edhe 3 të tjerë por se kush janë nuk e di.
Pyetje: Çfarë dini për këto 3 persona?
Këto thonë se njëri e ka marrë shoku, tjetër thotë e ka hedhur një person tjeëtr, por as vetë nuk e di se çfarë është bërë.
Pyetje: Kur e morët vesh momenti që Sibela kishte ndërruar jetë?
Në shtëpi, ishim të gjithë në shtëpi. Nga i vëllai po e kërkonte dhe nuk e gjetëm në shtëpi dhe e gjetëm të hedhur poshtë pallatit.
Pyetje: Keni dyshime se dikush mund ta ketë shtyrë nga pallati apo të jetë hedhur vetë?
Nuk besoj që ta ketë shtyrë, por nga mërzia dhe ankthi që ka pasur qarkullimin e foto të saj nëpër media është hedhur ose e kanë kërcënuar.
Pyetje: Çfarë ju kanë thënë në polici?
Jemi interesuar na kanë thënë kanë bisedat telefonin e gocës na kanë thënë se këtë gocë ai e ka kërcënuar dhe ajo prandaj ndërmori aktin. Thonë që është edhe dikush tjetër që ka videon që goca është hedhur duke u vetëvrarë.
Pyetje: Nëse këto video janë të vërteta besoni se ka qenë një plan i mirëfilltë nga personi apo miq të tij për të filmuar momentin e vetëvrasjes?
Besoj se po.
Pyetje:Nga polica ju kanë konfirmuar që këto video ekzistojnë?
Po na kanë konfirmuar dje, janë akte dhe kemi fakte me biseda që ky person ka kërcënuar gocën që ajo është hedhur.
Pyetje: Kujdestarinë e fëmijës do e këtë familja juaj?
Jo do kujdeset babai i fëmijës
Pyetje: Ka qenë bashkëshorti në varrim?
Po erdhi me vrap, ai ka ngel i shokuar
Pyetje: Kishte informacion që Sibela kërcënohej?
Jo nuk ka ditur gjë, ai këtu e mori vesh kur erdhi.
