Janë regjistruar tensione këtë të martë para godinës së SPAK, ku Prokuroria e Posaçme pritet të shpallë pretencën për kryebashkiakun e zgjedhur të Himarës Fredi Beleri, i akuzuar për blerje votash.
Mësohet se një grup qytetarësh kanë tentuar të djegin flamurin e Vorio-Epirit, teksa janë përplasur dhe me familjarët e Fredi Belerit të cilët janë futur në seancë. Burime bëjnë me dije se efektivët kanë shoqëruar në komisariat piktorin e pikturave murale, Bledar Çakalli. Po ashtu, mësohet se mes grupit të qytarëve që kanë shkaktuar tension ka qenë dhe Arilda Lleshi.
Qyetarët janë shfaqur aty si aktivistë, teksa ndërhyrja e Policisë ka shmangur incidentet.
Njoftimi i policisë:
Ditën e sotme, para hyrjes së SPAK-ut, shtetasi B. Ç., 33 vjeç, ka shpalosur dhe tentuar të djegë një flamur të ashtuquajtur Vorio Epiriot.
33-vjeçari është shoqëruar në komisariat për veprime të mëtejshme procedurale.
