Rusia ka shtuar përpjekjet e saj për të manipuluar informacionin dhe përhapur mashtrimin, duke synuar aleatët e Kievit në Perëndim, kanë thënë zyrtarë të ministrisë së jashtme franceze.
Sipas mediave të huaja, vendet ku përqendrohen këto manipulime, thuhet se përfshijnë Poloninë dhe Gjermaninë, përveç Francës.
Zyrtarët iu referuan mesazheve në platformat e mediave sociale, përfshirë X, dhe faqet e internetit si Sputnik, si “masive në shtrirje” dhe “të ndërlikuara në strukturë”.
Synimi i Moskës është të përforcojë suksesin e supozuar të Rusisë në luftën e Ukrainës, të justifikojë pushtimin e saj, të diskreditojë dhe pakësojë rezistencën ushtarake të Ukrainës dhe të minojë qëndrueshmërinë e civilëve, shtuan zyrtarët.
Fushata thuhet se shkon përtej luftës në Ukrainë.
Rusia thuhet se po përpiqet të pengojë ngjarjet e mëdha sportive, duke përfshirë Olimpiadën e Parisit dhe kampionatin evropian të futbollit në Gjermani.
