Një person është vrarë në Kurbin, ndërsa një tjetër është plagosur. Krimi ka ndodhur orët e para të mëngjesit, në një firme ku prodhoheshin inerte.
Viktima Selman Mihana, 70 vjeç, është ekonomisti i kompanisë, ndërsa i plagosuri është pronari, Ardian Gjeloshi, 51 vjeç.
Mbetet ende e paqartë se si ka ndodhur ngjarja.
“Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M, rreth 70 vjec, ekonomist i firmës, si dhe është plagosur pronari shtetasi A.GJ, rreth 51-vjec, i cili është transportuar në spital për ndihmë mjekësore”, njoftoi policia.
“Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit. Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve. Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea”, shtuan të njëjtat burime.
Lexo edhe:
Vrasja në Kurbin, objektivi pronari i firmës së inerteve/ Si ndodhi krimi (Detaje)
