Pronari i një fabrike vaji në Fier, ku një punonjës u aksidentua një ditë më parë, është arrestuar.
Një 63-vjeçar mbetur i plagosur pasi u rrëzua nga lartësia në Fier, teksa punonte. Ngjarja ndodhi rreth orës 13:40, në një fabrikë për përpunimin e vaji. “Dyshohet se gjatë procesit të punës ka rënë nga skela, shtetasi T.C., 65 vjeç, banues në fshatin Vajkan”, njoftoi policia një ditë më parë.
Këtë të shtunë, blutë bënë me dije se pronari i fabrikës së vajit u vu në pranga. B.D., 62 vjeç, banues në Fier, akuzohet për veprat penale “Shkelja e rregullave të mbrojtjes në punë” dhe “Punësimi i paligjshëm”.
“62-vjeçari (pronari i fabrikës), u arrestua sepse gjatë procesit të punës në fabrikën e tij për përpunimin e vajit, më datë 08.02.2024, rreth orës 13:40, ra nga skela shtetasi T.C., 65 vjeç, i cili nga verifikimet rezultoi se ka qenë punonjës i pasiguruar”, njoftoi policia.
I dëmtuari vijon të jetë në spital, nën kujdesin e mjekëve.
