Futbollisti i kombëtares shqiptare, Arbnor Muja është zyrtarisht futbollisti më i ri i Samsunspor në Superligën e Turqisë. Sulmuesi anësor ka lënë Antwerpin në Belgjikë dhe për tre vite e gjysmë do jetë pjesë e elitës turke.
Lajmi është konfirmuar nga vetë klubi turk, që pas gjysmës së parë të sezonit mban vendin e 15-të në renditje.
“Mirësevjen Arbnor Muja! Lojtari i kombëtares shqiptare të futbollit, i cili së fundmi ishte pjesë e Royal Antwerp FC, Arbnor Muja ka firmosur për 3 vite e gjysmë me Samsunspor”-bën me dije klubi turk.
Pesë ndeshje ka luajtur Muja me Kombëtaren, teksa kjo lëvizje mund të shihet edhe si një hap pas në karrierën e 25-vjeçarit nga Mitrovica.
I dalë nga moshat e Trepçës, ai ka luajtur edhe me Skënderbeun, Dritën, Braunschueih 2 dhe Antwerp në Belgjikë. Gjatë sezonit të fundit me belgët ai u aktivizua në 35 takime, duke shënuar gjashtë gola, një prej të cilëve edhe në Champions League.
Kujtojmë se ditën e sotme u zyrtarizua edhe Ernest Muçi në Superligën e Turqisë, duke kalkuar nga Legia e Varshavës tek Besiktas.
HOŞ GELDİN ARBNOR MUJA! ⚪️
En son Royal Antwerp FC ekibinde forma giyen Arnavutluk Milli Takım sporcusu, sağ kanat mevkisinde oynayan Arbnor Muja ile 3.5 yıllık anlaşmaya varılmıştır.
Samsunspor Ailemize Hoş Geldin Arbnor Muja #Samsunspor pic.twitter.com/oEKh9A2DOc
— Yılport Samsunspor (@Samsunspor) February 9, 2024
