Një tokë me sipërfaqe 900 m2 dhe një biznes i llojit hotel-bar-restorant është konfiskuar nga Gjykata e Posaçme me kërkesë të prokurorisë. Pronat janë të Violeta Cafit, bashkëshorte e Gëzim Cafit, i dënuar për vrasje dhe armëmbajtje pa leje.
Gëzim Cafi, sqaron prokuroria, është deklaruar fajtor më 26 Shtator 2005 nga Gjykata e Apelit të Krimeve të Rënda, për kryerjen e veprës penale “Vrasje me paramendim”, e kryer në bashkëpunim, e mbetur në tentativë dhe “Mbajtje pa leje e armëve dhe municioneve luftarake”.
Në një njoftim zyrtar SPAK thotë se gjykata e ka pranuar kërkesën për konfiskim më 22.06.2023, ndërsa mbetet e paqartë pse raportohet gati tetë muaj më pas.
