Detaje të reja kanë dalë në dritë nga ngjarja që u raportua këtë mëngjes në Korçë ku 81-vjeçari, Gaqo Tili, është paraqitur në spital me shenja dhune dhe me gjak.
Policia njoftoi pak më herët se grupi i hetimit nga kontrollet në banesën e të moshuarit nuk ka konstatuar thyerje të derës kryesore si dhe të dritareve të katit të parë ku banonte 81-vjeçari, ndërkohë që brenda banesës ka patur njolla gjaku.
Kjo edhe për policinë tregon se ka patur një përleshje brenda banesës por deri tani nuk janë konstatuar elementë një grabitje me dhunë.
Menjëherë në banesën e 81-vjeçarit ka shkuar grupi hetimor, i cili ka konstatuar se as dera e banesës dhe as dritaret e saj, nuk janë të dëmtuara. Nga këqyrja e banesës, si dhe nga sendet dhe provat e gjetura dyshohet se 81-vjeçari mund të jetë konfliktuar me ndonjë shtetas që e ka patur në banesë.”-njoftoi më herët policia.
Sakaq një fqinje e të moshuarit ka treguar për mediat se ajo e ka parë të mbuluar me gjak, por ai nuk i ka thënë kush e plagosi.
“E pashë që ishte i gjithi me gjak, e pyeta kush ta bëri këtë. Më tha “nuk të flas dot”. S’më tha asnjë gjë”, tregoi ajo.
Grupi i hetimit po punon për zbardhjen e misterit të plaosjes së të moshuarit.
