Lidhur me të shtënat e ndodhura mbrëmjen e sotme në Shkodër, ka reaguar edhe drejtori i policisë vendore të Shkodrës Edmond Sulaj.
Ai tha se po punohet për zbardhjen e kësaj ngjarje dhe se po bëhet këqyrja e kamerave të sigurisë dhe po pyetën dëshmitarët dhe vetë i plagosuri, Selami Brahimi.
“Në orën 17:50 këtu në lagjen “Xhabiej” është qëlluar me armë zjarri shtetasi Selami Brahimi i cili është plagosur lehtë dhe është duke marrë mjekim në spitalin e Shkodrës. Është formuar grupi hetimor nën drejtimin e prokurorisë dhe po punon për dokumentimin e plotë të ngjarjes. Janë duke u marrë kamerat e sigurisë si dhe po pyeten dëshmitarët okular që kanë dijeni për ngjarjen. Ndërkohë do të intervistohet i dëmtuari. Sa i përket shkaqeve po punohet nga grupi hetimor për sqarimin e rrethanave. Jemi duke punuar intensivisht për ta zbardhur dhe sigurojmë qytetarët se policia vendore e Shkodrës ka të gjitha kapacitetet për të zbardhur ngjarje të tilla”, u shpreh drejtori Sulaj.
Ngjarja ka ndodhur në lagjen “10 korriku”. Dyshohet se shenjestra ka qenë Selami Brahimi, i cili mbeti i plagosur pasi ndodhej në makinën tip “Citroen” që u qëllua. I plagosuri është dërguar në spital dhe ndodhet jashtë rrezikut për jetën
