Ish-prokurori i krimeve të Rënda, Eugen Beçi ka folur për rastin e Arben Ahmetajt, për të cilin pak ditë më parë doli një informacion se ai ka paguar një kompani amerikan për të lobuar.
Në dokumentin e publikuar figuron edhe adresa në zonën e Luganos në Zvicër e Ahmetajt, por sipas Beçit, nëse kjo adresë është e saktë SPAK mund të provokjë situatën, duke dërguar një letër porosi. Në rast se shteti zviceran kthen një përgjigje negative, ish-prokurori tha se “të jeni të sigurt se personi në fjalë është në proces të mbarë të azilit dhe shteti i Zvicrës nuk i kthen përgjigje shtetit shqiptar duke mbrojtur të drejtat’.
“Në rast se kjo adresë është e saktë, SPAK mund të provokojë situatën. Dërgon një letër porosi dhe i thotë shtetit pritës se në filan adresë kemi të dhëna se ndodhet filan shtetas. Në rast se shteti zviceran kthen një përgjigje negative të jeni të sigurt se personi në fjalë është në proces të mbarë të azilit dhe shteti i Zvicrës nuk i kthen përgjigje shtetit shqiptar duke mbrojtur të drejtat.
Është e pamundur të ekstradohet. Është një moment shumë interesant për Prokurorinë e Posaçme. Nga pikëpamja formale SPAK sot ka adresën e këtij personi dhe komplikon situatën hetimore, sepse çdo veprim që do të kryhet ndaj këtij personi do të njoftohet në atë adresë”, tha Beci në emisionin “Open”.
