Deputeti i PD-së, Dash Sula ka folur në lidhje me protestën e djeshme qytetare. Gjatë bisedës, Sula deklaroi se kanë ikur njerëzit nga Shqipëria dhe shumë pak qytetarë kanë mbetur.
Gjatë bisedës, Sula tregoi edhe një bisedë që ka pasur me kryetarin e grupit parlamentar të PD-së, Gazment Bardhi pas protestës.
“Censusi siç bëhet fjalë është mes 1.5 dhe 1.6 milionëve. Kjo do të thotë se unë që kam fisin tim, nuk kam këtu me dhjetëra njerëz që nuk janë këtu, që janë zëra revoltues ndaj pushtetit, gjithmonë.
Këtu ka ngelur administratat që ka frikë të dalë, kanë ngelë pensionistët dhe një pjesë biznesesh të cilët detyrohen nga pushteti që të monitorojnë punonjësit, që nëse dalin në protesta, i heqin nga puna.
Shyqyr që ka rebelë edhe tek ne në parlament. Çdo diktaturë, perandori, 10 minuta para se të bjerë duket e fortë. Unë jam me parimin që pushtetin duhet ta gërvishtësh përditë që të vijë momenti final që ta shembësh.
Por nëse rri në shtëpi, fle gjumë dhe nuk bën aktivitet politik, unë u them edhe kolegëve të mi, se unë nuk kam nevojë të dal në media, por përmbush detyrimin si politikan, opozitar, që duhet të dalë në çdo ftesë që më jepet.
Unë sot pasi ikëm nga Komisioni i Reformës zgjedhore, me Gazment Bardhin ishim në një moment të veçantë në zyrën e tij. I thashë, dje ti ke bërë gjënë me të mirë që ishe në protestë dhe që tregove gjithçka.
Ndoshta atë urrejtje që kanë pasur demokratët është kthyer në dashuri, dhe i thashë vazhdo përpara për opozitën dhe do të të ndjekim”, tha Dash Sula në SYRI TV.
