Sekretari amerikan i shtetit, Antony Blinken raportohet se do të vizitojë Tiranën më 16 Shkurt.
Ende nuk është zbardhur axhenda e zyrtarit amerikan apo arsyeja e vizitës.
E para vizitë e një sekretari amerikan shteti në vendin tonë është ajo e vitit 1991 e Sekretarit James Baker, për t’u pasuar 9 vjet më vonë nga Madeleine Albright.
Në vitin 2003, do të ishte radha e Colin Pawell, ndërsa 9 vite të tjera më vonë Tiranën e vizitoi Hillary Clinton.
Vizita e saj u pasua nga një tjetër vizitë e John Kerry, në 2016.
Ardhja e Antony Blinken në vendin tonë do të shënojë vizitën e gjashtë të një sekretari shteti në Shqipëri.
