Dinamo do të presë të shtunën në orën 17:00 në “Niko Dovana” skuadrën e Partizanit, derbi i vlefshëm për javën e 23-të të Superiores.
Të kuqtë shihen si favoritë edhe për shkak të ndeshjeve direkte mes tyre të zhvilluara ndër vite. Prej 15 vitesh Dinamo nuk ia del të triumfojë përballë Partizanit, statistika këto që tregojnë dominimin e kuq.
Në 10 duelet e fundit mes tyre, “demat” ia kanë dalë të triumfojnë në 6 prej tyre, ndërsa 4 sfida të tjera kanë përfunduar barazim. Fitorja e fundit e “Nëndetëses” është më 4 prill të vitit 2009, kur triumfonin 2-1 ndaj demave.
Në “Niko Dovana” skuadra e udhëhequr nga Dritan Mehmeti do të tentojë të vazhdojë me rezultatet pozitive në kampionat dhe do të hyjnë në fushë vetëm për 3 pikët, ndërsa nga krahu tjetër ekipi i drejtuar nga Orges Shehi kërkojnë rikthimin te fitorja dhe ndaj “Bluve” dëshirojnë të bëjnë “autokritikën” për barazimet e fundit në kampionat.
