Dinamo dhe Partizani luajnë në stadiumin “Niko Dovana”, të shtunën ora 17:00. Të kuqtë do kërkojnë fitoren para derbit tjetër kryeqytetas (16 shkurt), atë kundër Tiranës.
Situata megjithatë nuk është aspak e qetë, nëse mendohen rivalët e përjetshëm bardheblu.
Kjo pasi 4 lojtarë nuk do të luajnë përballë Tiranës, nëse ndëshkohen ndaj Dinamos. Bëhet fjalë për Bintsoukan, Rrapajn, Carën dhe Mensah. Këto nuk janë lojtarët e vetëm në “fije të perit”.
Partizani pret përgjigje nga stafi mjekësor për Maguette dhe Mehmetin. Nëse Mehmeti është në fazën e fundit te rikuperimit, për senegalezin akoma nuk është bërë e ditur shkalla e dëmtimit.
6 lojtarët e përmendur më sipër janë përdorur titullar nga Partizani, kur kanë qenë të gatshëm. Kjo është arsye përse te Partizani nuk janë në ditët më të mira të tyre.
Pak buzëqeshje mund t’i kthehet Orges Shehit sepse Murataj ka shlyer pezullimin për shkak kartonësh. Kështu do jetë i gatshëm kundër Dinamos. Një alternativë shumë e rëndësishëm për mesfushën, kur është momenti më i keq i saj.
