Një eliminim surprizë ndodhi në spektaklin e djeshëm të “Big Brother VIP 3” që shokoi si banorët, po ashtu edhe publikun.
Olsi Bylyku la përfundimisht shtëpinë, pas televotimit që zgjati shumë pak minuta, me të gjithë konkurentët në garë.
Banorët të shokuar nuk e besonin dot largimin e tij, ndërsa shumë sugjeronin se është lojë. Ky eleminim erdhi pas eliminimit të Gabrieles, i cili ishte në nominimin e javës bashkë me 6 banorë të tjerë.
Shkak për hapjen e televotimit të dytë ishte thyerja e rregullave të lojës me ngjitëse, ku pjesa më e madhe e banorëve zgjodhën të mos përfshiheshin aq shumë duke u dorëzuar, ndërsa i pari që nisi me thyerjen e rregullave ishte Juli duke lëvizur dorën për të pirë cigare.
