Një biznes në Durrës ka rënë pre e hajdutëve mbrëmjen e kësaj të premteje. Ngjarja ka ndodhur në një orëndreqës në bulevardin kryesor në lagjen nr.4.
Sipas informacioneve paraprake, një grabitës ka hyrë në dyqan dhe ka marrë portofolin e shitëses dhe bizhu të ndryshme.
Në vendngjarje kanë mbërritur forcat e policisë, të cilët po bëjnë këqyrjen e kamerave të sigurisë për identifikimin e autorit.
