Një ngjarje e rëndë ka ndodhur mesditën e së enjtes në Zejmen të Lezhës.
Një konflikt mes dy personash në Lezhë ka degraduar në përdorimin e thikës. Dyshohet se konflikti ka ndodhur për çështje pronash, ku njëri prej tyre është plagosur me thikë.
I plagosur është transportuar drejt spitalit, jashtë rrezikut për jetën, ndërsa policia ka nisur hetimin e rastit.
Lezhë/Informacion paraprak
“Rreth orës 12:30, në fshatin Zejmen, Lezhë, pas një konflikti të çastit për motive të dobëta, dyshohet që shtetasi H.P. ka goditur me mjet prerës shtetasin Gj. K., të dy banues në Zejmen.
I dëmtuari ndodhet në spital për ndihmën e nevojshme mjekësore, jashtë rrezikut për jetën, ndërsa autori i dyshuari është shoqëruar në ambientet e Policisë.
Grupi hetimor vijon veprimet hetimore për sqarimin e plotë të rrethanave të ngjarjes dhe dokumentimin ligjor të saj.“, thuhet në njoftim.
