Zëvendëskryeministri Arben Ahemtaj ka mohuar zërat se ka qenë ai që i ka dorëzuar Ilir Metës dokumente për inceneratorët.
Ai tha se këto zëra i kanë nxjerrë Erion Veliaj dhe Belinda Balluku.
Më tej, ai shtoi se Rama ka përdorur këtë ndaj tij “për të gjetur një person për ti vënë tap çështjes së inceneratorëve”, duke e përdorur si “kokë turku”.
“Unë kam pasur disa herë përplasje me kryeministrin. Disa herë personale, disa herë profesionale, por deri në ruajtje të kufijve. Teoria e konspiracionit që kam dorëzuar dosjen te Ilir Meta dhe ambasada amerikane është furnizuar nga Erion Veliaj dhe Belinda Balluku, por nuk besoj se Edi Rama e ka besuar. E ka besuar Lefter Koka, por jo Rama. Ai e ka përdorur këtë për t’i vënë tapë kësaj gjëje. Kjo u përdor si justifikim për t’u gjetur koka e turkut. Edhe pse nuk kisha firmosur unë isha mik me Mirel Mërtirin. Ndaj duhej gjetur një person si unë” – tha Ahmetaj në një intervistë të transmetuar këtë të enjte për Syri Tv.
