Emiljano Çela do të jetë trajneri i ri i Kukësit. Ish-timonieri i Flamurtarit, është zyrtarizuar ditën e sotme te klubi verilindor. Çela gjithashtu ka zhvilluar seancën e parë stërvitore me ekipin e Kukësit.
Teksa së fundmi, ka reaguar dhe vetë trajneri në profilin e tij zyrtar në “Instagram”. Çela e quan privilegj dhe nder që i kanë besuar të drejtojnë Kukësin, duke u shprehur që do të japin maksimumin për të lënë pas këtë moment të vështirë që verilindorët po kalojnë.
“Miqtë e mi, njoftoj sot e fillimin e një bashkëpunimi me ekipin e KF Kukësi. Është nder, privilegj dhe vlerësim kur kërkohet bashkëpunim të bëjmë pasionin dhe punën tonë, atë që dimë të bëjmë më mirë. Aq më tepër me një ekip në vështirësi që ka luajtur në nivelet më të larta të futbollit shqiptar, po edhe më gjerë në këto 12 vitet e fundit. Është e sigurt që të gjithë ne do bëjmë maksimumin tonë ta kalojmë këtë sfidë të vështirë. Shpresoj të na shkojë mbarë”, shkruan Emiliano Çela.
