Një aksident ka ndodhur mbrëmjen e kësaj të mërkure në aksin rrugor Pogradec-Qafe Plloce. Një makinë është përplasur me një motor e si pasojë ka pësuar dëmtime drejtuesi i këtij të fundit.
Në vendngjarje ka mbërritur policia bashkë me grupin hetimor për të zbardhur shkaqet e aksidentit.
“Mbrëmjen e sotme, në hyrje të qytetit të Pogradecit, ciklomotori me drejtues shtetasin V. B., është përplasur me automjetin tip “Benz” me drejtues shtetasin A. L. Për pasojë ka marrë lëndime shtetasi V. B., i cili u dërgua për ndihmë mjekësore në spitalin e Pogradecit.
Me drejtuesin e automjetit po kryhen veprime të mëtejshme procedurale”,- njofton Policia.
