Policia e Korçës ka arrestuar një të ri, i cili akuzohet se ka ushtruar dhunë ndaj vëllait të tij të mitur dhe nënës së tyre. Në pranga është vënë shtetasi J. R., 20 vjeç, banues në qytetin juglindor.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin J. R., 20 vjeç, banues në Korçë, pasi dyshohet se ka ushtruar dhunë ndaj vëllait të tij 17-vjeçar dhe ndaj nënës së tyre, e cila u pajis me urdhër mbrojtjeje.” – thuhet në njoftimin e bluve të Korçës.
Gjithashtu, Policia njofton se ka shpallur në kërkim dhe shtetasin V. P., 37 vjeç, banues në fshatin Çiflig, pasi në kundërshtim me vendimin e gjykatës, ka shkuar në banesën e ish-bashkëjetueses së tij, e cila është e pajisur me urdhër mbrojtjeje.
Materialet procedurale i kaluan Prokurorisë së Korçës për veprime të mëtejshme.
