Ylli Manjani, ka komentuar këtë të martë, deklaratat e drejtuesit të Gjykatës së Lartë, Sadushi mbi problematikat që sipas tij lindin nga ana e ankimeve të avokatëve.
I ftuar në “A show”, në SYRI TV, Manjani është shprehur se drejtuesit e sotëm të drejtësisë duhet të shqetësohen nga mbingarkesa me çështje penale të stisura nga kallëzues popullor, partish politike, apo letra anonime dhe këto janë burimi kryesore sot që prokurorët shqiptarë hanë kohën e punës.
Manjani: “Deklaratën e quaj të papërgjegjshme dhe e pa mbështetur në asnjë lloj logjike, nëse kryetari i Gjykatës së Lartë është i shqetësuar për mbingarkesën e gjykatave dhe të gjej zgjidhjen e këtij problemi. Unë do ta ftoja me shumë dashamirësi kryetarin e GJL dhe të bënte një anatomi të plotë se çfarë ndodh në sistemin gjyqësor.
Pse nuk shqetësohen drejtuesit e sotëm nga mbingarkesa me çështje penale të stisura nga kallëzues popullor, partish politike, apo letra anonime dhe këto janë burimi kryesore sot që prokurorët shqiptarë hanë kohën e punës. Qëllimi i reformës ishte që prokurorët të merrnin nisma vetë dhe të mos prisni kallëzues popullor, ose njerëz të mllefosur.
Është njëri që ka bërë 20 kallëzimi, duke e filluar kallëzimin me fjalët: “Kryeministri ka thënë që tu prishim gjumin gjykatëseve”. Deputetë të cilët shkojnë dhe kërkojnë të bëjnë kallëzimi nga 20 herë duke harruar se janë atje për të bërë politikë dhe jo për të bërë kallëzime pa fund.
Avokatët po bëjnë punën e tyre dhe mos të merren me avokatët por me faktorët e vërtetë që sjellin këtë problem.”
