Një banesë është përfshirë nga flakët këtë të martë në Gramsh. Ngjarja ka ndodhur në lagjen “Mecaj”, ku si pasojë e flakëve shtëpia është shkrumbuar totalisht duke lënë familjen në qiell të hapur.
Paraprakisht dyshohet se shkak për zjarrin është bërë një shkëndijë elektrike. Ndërkohë një familjar i të zotëve të shtëpisë përmes një postimi në rrjete sociale, ka kërkuar ndihmë, pasi zjarri ka djegur totalisht banesën.
“Zoti ka bërë mrekulli qe nuk ka dëmtime në njerëz, do ju lutesha kush ka mundësi për t’i ndihmuar aq sa mundeni se të gjithë familjarët e kësaj familjeje kanë ngelur në qiell te hapur dhe vetëm me rrobat që kanë pasur të veshura. Unë jam nip i kësaj familjeje, është xhaxhai im, në këtë banesë banonin 2 vëllezër familjar dhe prindërit me një djalë invalid”, shkruan Hekuran Meci nga Gramshi.
