Tre persona mbetën të lënduar si pasojë e një aksidenti rrugor që u regjistrua mbrëmjen e së martës në aksin rrugor Elbasan-Librazhd.
Sipas të dhënave nga policia, në aksident u përfshinë një makinë që drejtohej nga shtetasi C. M., 32 vjeç dhe motomjeti me drejtues shtetasin B. H.
Si pasojë e përplasjes janë dëmtuar drejtuesi i motorit, i cili është në kujdesin e mjekëve dhe 2 pasagjerë që udhëtonin në automjetin me drejtues shtetasin C. M., të cilët ndodhen në spital dhe janë jashtë rrezikut për jetën.
Grupi hetimor në vendngjarje vijon punën për përcaktimin e shkaqeve të aksidentit.
