Një aksident ka ndodhur gjatë natës në aksin Gjirokastër-Mashkullorë ku tre persona kanë mbetur të plagosur.
Të plagosurit janë transportuar në spitalin e Gjirokastrës.
Personat e plagosur janë një çift të fejuarish që udhëtonin me një mjet tip Benz dhe një burrë me një mjet tip Golf. Ky i fundit ka dëmtime me thyerje, ndërsa çifti është në gjendje të mirë shëndetësore.
“Rreth orës 22:45, në aksin rrugor “Ura e Kardhiqit- Gjirokastër”, automjeti me drejtues shtetasin F. K., 25 vjeç, është përplasur me automjetin me drejtues shtetasin F. K., 31 vjeç. Nga përplasja janë dëmtuar 2 drejtuesit e automjeteve dhe një pasagjere, shtetasja A. M., 23 vjeçe. Të tre të dëmtuarit po marrin ndihmë mjekësore në spital”, njofton policia.
Policia po punon për zbardhjen e rrethanave.
