Wojciech Szczesny foli në fund të ndeshjes së “Allianz Stadium”, ku Juventusi barazoi 1-1 kundër Empolit. Një ndeshje e prishur në mënyrë të pashmangshme nga kartoni i kuq i Arkadiusz Milik, i cili u përjashtua pas rishikimit ta rastit nga arbitri, për shkak të një ndërhyrjeje shumë të ashpër ndaj Alberto Cerrit.
Pas ndeshjes, portieri i Juventusit komentoi ecurinë e ndeshjes, duke u ndalur te përjashtimi i bërë për bashkëlojtarin dhe bashkëkombasin e tij, duke përmendur disa episode të ndodhura në këtë kampionat, të cilat kishin shkaktuar diskutime, por që nuk kishin rezultuar me karton të kuq:
“Askush nuk ka dyshime për kartonin e kuq të Milik. Dinamika ishte njësoj si faulli i Berardit (ndaj Sassuolos) dhe Malinovskyi (ndaj Genoa). Të tre kartonët e kuq duheshin fishkëllyer me të drejtë…”
Episodet e përmendura nga portieri bardhezi janë ato që datojnë nga Sassuolo-Juventus, kur Berardi nuk u përjashtua me të kuq pas një ndërhyrjeje shumë të rrezikshme ndaj Bremerit, siç ndodhi në fund të Genoa-Juve, kur Malinovskyi u fal pas një ndërhyrje shumë të ashpër ndaj Yildiz:
“Ka pak hidhërim, sepse në shtëpi kundër Empolit, me gjithë respektin për kundërshtarin, ne duam gjithmonë të fitojmë. Pastaj, 70 minuta me 10 lojtarë në fushë nuk është e lehtë. Në një situatë të tillë, të marrësh një pikë është pozitive”.
Disa fjalë për supersfidën e radhës ndaj Interit: “Do të shkojmë në Milano për ta ushqyer ëndrrën tonë, për ta fituar ndeshjen dhe për të qenë në krye të kampionatit. Nuk do të jetë e lehtë, Interi është vërtet i fortë këtë vit, por ne duam të luftojmë. Një mesazh për tifozët? Jo, më mirë të flasim në fushë”.
Momenti i Vlahovic: “Nga pikëpamja mendore ka ndryshuar pak ose aspak. Gjithmonë hyn në fushë me shumë keqdashje, si në ndeshje apo stërvitje, gjithmonë për të shënuar gola, gjithmonë për të fituar. Tani është fizikisht mirë. Dhe kur është mirë në këtë aspekt, bëhet i pandalshëm, një nga sulmuesit më të fortë në Evropë”.
Dy fjalë edhe për Yildiz: “Ai ka cilësinë për të qenë i fortë, por duhet t’i mbajë këmbët në tokë. Rruga është ende e gjatë, i duhet shumë punë dhe angazhim për të qenë kampion”.
