Bayern Munich zyrtarizoi transferimin nga Galatasaray të mbrojtësit Sacha Boey.
Kartoni i 23-vjeçarit i kushtoi arkës së gjermanëve rreth 30 milionë euro teksa francezi firmosi një kontratë të vlefshme deri në vitin 2028.
Në prezantimin e parë si lojtar i Bayern Munich, Boey nuk i fshehu emocionet, madje theksoi se prej tyre kaloi një natë të tërë pa gjumë.
“Jam shumë i emocionuar dhe për mua gjithçka është ende e pabesueshme. Nuk arrita të flija as gjumë. Të jem pjesë e Bayen për mua është një ëndërr, bëhet fjalë për një klub legjendar dhe me shumë histori. Jam i nderuar që një klub kaq i madh sa Bayern kërkoj shërbimet e mia”, u shpreh Boey.
