Një ngjarje e rëndë është regjistruar këtë të enjte në Vlorë, ku një kamionçinë ka dalë nga korsia duke përfunduar mbi trafikndarësen, në rrugën “Transballkanike”.
Burime bëjnë me dije se shoferi ka pësuar infarkt në zemër, teksa ishte duke ngarë kamionçinën dhe ky ka qenë shkaku i aksidentit. Fatkeqësisht, drejtuesi i kamionçinës ka ndërruar jetë në vend.
Viktima ka qenë një 68-vjeçar, i cili punonte në ngarkim-shkarkim dhe transport mallrash pranë sheshit të “Omonias” në Vlorë. Paraprakisht, dyshimet janë për një goditje në zemër, por është ekspertiza ajo që do vendosë shkakun e vdekjes.
