Klevi Qefalija u transferua ditën e sotme te Dinamo. “Blutë” e kryeqytetit derdhën në arkën e Tiranës 50 mijë euro sipas “transfermarkt”, për të blerë kartonin e mesfushorit 20-vjeçar.
Për Tiranën kjo është shitja e tretë gjatë kësaj merkato dimërore, pas Florent Hasanit për 300 mijë euro te Rapidi i Bukureshtit dhe Kainës te Chungnam Asan për rreth 100 mijë euro.
Kështu klubit i janë larguar 3 lojtarë cilësorë nga skuadra, që kanë sjellë të ardhura. Por në kampin kryeqytetas shpresohet që në ditët e fundit të merkatos të arrihet të zgjidhet çështja e bllokimit të merkatos dhe të përforcohet organika.
