Autori i plagosjes me armë zjarri në Durrës mbrëmjen e djeshme është vetëdorëzuar në polici.
“Specialistët për Hetimin e Krimeve të Rënda të DVP Durrës bënë arrestimin e shtetasit G. K., 50 vjeç, i cili më datë 25.01.2024, në lagjen nr. 4, Durrës, gjatë një konflikti të çastit, për motive të dobëta, plagosi me armë zjarri, shtetasin M. S., 40 vjeç, i cili është jashtë rrezikut për jetën”, njoftoi policia.
“Pas plagosjes, autori i dyshuar u largua nga vendngjarja, por prej pamundësisë për t’u larguar, rrethimit të zonës dhe negociatave me familjarët, ky shtetas u vetëdorëzua”, shtuan të njëjtat burime.
