Ndonëse tejet të rezervuar në dhënien e informacionit, hetuesit italianë duket se janë afër zbardhjes së vrasjes së 39-vjeçarit shqiptar Bledar Dedja. Këtë të enjte, mediat italian shkruajnë se ka dyshime se 39-vjeçarit i është bërë pritë dhe vrasja ka qenë e planifikuar.
Hipoteza kryesore është se viktima ka lënë takim me vrasësin. Ky i fundit dyshohet të ketë ardhur me makinë, të cilën e ka parkuar pranë mjetit të Dedja. Nuk përjashtohet edhe mundësi që shqiptari të jetë goditur fillimisht brenda këtij automjeti.
Sa i takon makinë se shqiptarit, në dritë del një tjetër detaj. Karabinierët e gjetën Mercedesin të mbyllur dhe çelësat e zhdukur. Për të hapur mjetin e viktimës ata përdorën çelësat rezervë që i kishte në shtëpi.
Hipoteza hetimore më e akredituar është se Bledari ka lënë takim me vrasësin e tij, por ndoshta shqiptari është sulmuar brenda një makine tjetër, të parkuar afër tij, kjo pasi brenda Mercedesit nuk u gjetën gjurmë gjaku apo përleshje. Por është gjithashtu e mundur që vrasësi të ketë mbajtur çelësat pasi ka kërkuar diçka brenda makinës. Automjeti është tani në dispozicion të RIS Carabinieri Parma, i cili do të testimet e nevojshme në kërkim të gjurmëve që mund të dërgojnë në zbulimin e identitetit të autorit.
Vëmendje i është kushtuar edhe telefonit të 39-vjeçarit dhe mbi të gjitha bisedave telefonike në të cilat shpresohet të gjenden elementë të dobishëm për hetimin. Për momentin mësohet se telefonata e fundit e bërë nga Dedja ka qenë me kunatën e tij rreth orës 16.05.
Policia thellohet në raportet e viktimës, i cili me sa duket u vra gjatë një takimi intim: burri në fakt u gjet me pantallonat dhe të brendshmet të zhveshura.
Gjatë autopsisë, në trup janë marrë një sërë mostrash të cilat do të zbulojnë nëse ai ka pasur marrëdhënie seksuale para se të goditet me thikë, pasi ai u gjet i zhveshur në pjesën e poshtme të trupit. Gjithashtu dyshohet se zhveshja e tij mund të ketë qenë një strategji nga autori për të hutuar hetuesit.
Deri në këtë moment janë intervistuar rreth njëzet persona, të afërm dhe të njohur të burrit, përfshirë shokun që gjeti trupin në Via Dei Carpini dhe me të cilin 39-vjeçari duhej të dilte për peshkim mëngjesin e së dielës.
Bledar Dedja u vra pasditen e së shtunës në pyjet e Paderno del Grappa, në Asolo të Treviso-s. Trupi i tij i pajetë u zbulua mëngjesin e së dielës, i goditur të paktën 20 herë me thikë. Pavarësisht hetimeve intensive, deri më tani nuk ka ende një autor të dyshuar. As arma e krimit nuk është gjetur.
