Ish-kryetari i KQZ-së dhe eksperti i çështjeve zgjedhore, Kristaq Kume ka kërkuar me ngulm që të bëhet Reforma Zgjedhore.
Sipas Kumes, nëse nuk do të ketë ndryshime në Kodin Zgjedhor, do të përsëriten zgjedhjet e 2021 dhe ndoshta edhe në një situatë më te keqe.
“Nëse nuk bëjmë ndryshime në ligjin zgjedhor, zgjedhjet e 2025 do të shoqërohen me po atë rrezik të zgjedhjeve të 2021. Dhe ndryshimet duhet të bëhen jo vetëm ato që thotë OSBE-ODIHR.
Duke ju referuar asaj se sa dhe si ne e realizuam procesin zgjedhor me këtë legjislacion që kemi sot, unë do të thoja që nëse nuk ndërhyhet edhe në çështje të tjera që mund të rregullohen nëpëmjet reformën zgjedhore, ne do të na përsëritet, ndoshta edhe më keq situata me të cilën u përballëm në vitin 2021.
Unë e konsideroj të domosdoshme realizimin e reformës zgjedhore, e cila natyrisht duhet të ketë pasqyrimin e rekomandimeve të OSBE-ODIHR, që kanë lidhje me zgjedhjet. Ne nuk vuajmë shumë nga legjislacioni, por nga zbatimi i ligjeve. Nëse nuk ndryshon asgjë, do të përsëriten zgjedhjet e 2021″, tha Kristaq Kume në SYRI TV.
