Babë e bijë, të cilët u plagosën nga shembja e skelave të një pallati në ndërtim në Tiranë, ndodhen në Spitalin e Traumës, ku po marrin ndihmë mjekësore.
Ngjarja e rëndë ndodhi në bulevardin “Gjergj Fishta”, ku si pasojë e rrëzimit të skelës u dëmtuan shtetasi Hysen Lavdari, rreth 70 vjeç, dhe Imelda Shkembi, rreth 45 vjeçe.
Mësohet se gjendja e 70-vjeçarit është kritike, ndërsa vajza e tij ndodhet jashtë rrezikut për jetën. Të dy të lënduarit po mbahet në monitorim nga stafi mjekësor.
Policia e Tiranës bëri me dije se pas ngjarjes ka shoqëruar në komisariat inxhinierin e pallatit, shtetasin K. S., dhe punëtorët N. S., dhe A. P., për veprime të mëtejshme procedurale.
Grupi hetimor po punon për sqarimin e rrethanave të ngjarjes.
