Viti 2024 ka nisur mbarë për futbollistët shqiptarë që luajnë në Turqi. Rey Manaj është bërë i zakonshëm tani me golat e tij në Superligën turke, ku shpesh në skenë del edhe sulmuesi tjetër i Kombëtares, Sokol Cikalleshi. Por prapa nuk mbeten as futbollistët e tjerë shqiptar që luajnë në Ligën e Parë turke.
Madje gjatë ditës së sotme është realizuar një gol “produkt i Superiores shqiptare” te skuadra e Keciorenguçu. Në minutën e katërt të takimit Jurgen Bardhi, i lojatri i Partizanit, ka asistuar për Uerdi Marën, ish mesfushorin e Skënderbeut, i cili ka shënuar dhe kaluar në avatanzh skuadrën e Keciorenguçu.
Goli i Marës (VIDEO)
Por në minutën e 33-të skuadra mike e Manisës, ku deri para disa kohësh ishte drejtor Nderim Nexhipi ka barazuar dhe pjesa e parë u mbyll në barazim 1-1. Te Manisa titullar e nisi sulmuesi kosovar Jetmir Topalli, ndërsa Domgjoni dhe Korenica e nisën nga stoli. Me fillimin e pjesës së dytë Bardhi është zëvendësuar.
