I gjithë qarku i Korçës është përfshirë nga reshjet e dëborës.
Trashësia mesatare e borës ka arritur në 5-6 cm. Reshjet intensive kanë shkaktuar vështirësi në qarkullim, edhe pse 20 borëpastruese ndodhet në terren për të normalizuar situatën.
Autoritetet u kanë bërë apel drejtuesve të mjeteve që të jenë të pajisur me goma dimri ose zinxhirë dhe të shmangen lëvizjet e panevojshme.
Vështirësi në qarkullimin e mjeteve ka pasur edhe brenda qytetit për shkak të prezencës së madhe të borës.
