Katër djem janë gjetur të pajetë ditën e sotme në lindje të Anglisë, Norwich. Mediat vendase shkruajnë se mendohet të jenë të afërt me njëri-tjetrin, pasi janë gjetur të vdekur brenda një banese.
Ka qënë një fqinj i tyre ai i cili ka lajmëruar policinë, dhe më pas këta të fundit kanë thyer derën dhe kanë gjetur brenda katër trupat e pajetë.
Ende nuk dihen shkaqet dhe rrethanat e ngjarjes së rëndë, apo identiteti dhe kombësia e 4 viktimave, ndërkohë autoritetet vendase kanë nisur hetimet lidhur me rastin,
Banorët e zonës janë traumatizuar nga ngjarja e rëndë teksa shprehen se djemtë ishin persona të qetë dhe nuk sillnin probleme.
