Një aeroplan mallrash u detyrua të bënte një ulje emergjente pasi motori i tij u përfshi nga flakët. Aeroplani Atlas Air Boeing 747-8 po fluturonte siper Miamit ku u përfshi nga flakët. Fatmirësisht asnjë nga personat në bord nuk është dëmtuar.
“Oh Zot, është përfshirë nga zjarri!”, thoshte një grua e cila po e xhironte videon e aeroplanit. Piloti lajmëroi menjëherë kontrollin e trafikut ajror në Aeroportin Ndërkombëtar në Miami.
Siç raportohet, aeroplani po fluturonte në San Juan të Puerto Rico-s me një ekuipazh të pesë njerëzve kur piloti raportoi për zjarrin. Fatmirësisht nuk u raportua për të lënduar.
