45-vjeçari Gentian Gega u arrestua ditën e djeshme pasi përndiqte në mënyrë të vazhdueshme një 23-vjeçare në rrjetet sociale.
Gazetarja Aida Topalli thotë se ka qytetarë të thjeshtë që përndjekin ish-të dashurat apo të dashurat e tyre. Mes tjerash ajo nënvizoi se ka dhe vajza që përndjekin djemtë.
“Ka qytetarë të thjeshtë që përndjekin ish-të dashurat, të dashurat e tyre. Përgjithësisht janë djemtë ata që përndjekin, në pak raste, kur janë personazhe publike, ka dhe vajza”-tha gazetarja Topalli.
Nga ana tjetër, pedagogia Nora Malaj, është shprehur se shoqëria shqiptare është e sëmurë.
“Jemi në një moment shumë të rëndësishëm për të bërë një studim mbarëkomb ëtar dhe do e mendoja që stafet akademike, mund të bëjnë një studim për të parë se cilat janë fenomenet e shoqërisë shqiptare. Ne jemi shoqëri e sëmurë fatkeqësisht”- tha Malaj në “Good Morning Albanians”.
