Një hotel është përfshirë nga flakët mbrëmjen e sotme në qendër të qytetit të Shkodrës.
Në vendngjarje kanë mbërritur zjarrfikësit, që bashkë me punonjësit e hotelit, nxorën jashtë turistët e akomoduar si bënë neutralizimin e flakëve.
Dyshohet se zjarri ka nisur si pasojë e një shkëndije elektrike.
Nuk raportohen dëme të mëdha materiale përveçse në panelin elektrik.
“Rreth orës 21:15, në katin e dytë të hotel “Rozafa”, ka rënë zjarr, dyshohet si pasojë e një shkëndije elektrike. Zjarrfikësit kanë bërë të mundur shuarjen e plotë të flakëve, nga të cilat janë shkaktuar vetëm dëme materiale. Grupi hetimor, në drejtimin e Prokurorisë, po punon për zbardhjen e plotë të shkakut të rënies së zjarrit dhe për sqarimin e rrethanave të rastit”, njoftoi policia.
