Personat që shihni në foton e mëposhtme janë tre shqiptarë të arrestuar në Angli, pasi u kapën duke punuar në një fermë kanabisi.
Bëhet fjalë konkretisht për shtetasit Alberto Loka, Riza Manuka dhe Besard Muça, të cilët u kapën me 51 rrënjë kanabis në një fermë ku u gjetën gjithashtu pajisje jetike të rritjes së bimës narkotike.
Nga hetimet është zbuluar gjithashtu se banda po merrte ilegalisht energji elektrike për zhvillimin e kësaj veprimtarie kriminale.
Autoritetet deklaruan se bimët kishin një vlerë nominale prej 510 £, por pasi të piqeshin, ishin në gjendje të prodhonin kanabis me një vlerë prej 26,000 £.
Loka, 26-vjeçari Manuka dhe Muca, 24-vjeç, u deklaruan fajtorë për përfshirje në kultivimin e kanabisit.
Chris Baker, që përfaqëson 24-vjeçarin Loka, tha se klienti i tij ishte një emigrant i paligjshëm që e kishte pranuar fajin në rastin e parë. Ndërsa avokati Shaun Dryden, që përfaqësonte Muçën, tha se klienti i tij kishte qenë në vend për rreth 12 muaj në mënyrë të paligjshme përpara se të arrestohej dhe të lihej në paraburgim. Manuka u përfaqësua gjatë seancës së dënimit dhe pranoi çështjen e ngritur nga prokuroria.
