Një zjarr ka rënë gjatë natës në katin e 9-të të një pallati në lagjen Apollonia në qytetin e Fierit. Ngjarja ndodhi rreth orës 4:30.
Zjarri dyshohet se ka rënë si pasojë e një shkëndije elektrike, ndërkohë që në banesë ndodhej i vetëm një i moshuar me probleme shikimi.
Fatmirësisht zjarri është pikasur nga komshinjtë e të moshuarit për shkak të tymit që u shpërnda me shpejtësi. Kanë qenë ata që ndërhynë të parët dhe shpëtuan të moshuarin.
Në vendngjarje ka mbërritur policia dhe shërbimi zjarrfikës i cili ka bërë të mundur shuarjen e zjarrit.
I moshuari i cili jeton i vetëm në banesë u shoqërua me ambulancë për kontroll mjekësor.
