Një ngjarje e rëndë raportohet të ketë ndodhur në Itali, ku një 20-vjeçare, intolerante ndaj bulmetit, ka humbur jetën pas konsumimit të një ëmbëlsire tiramisu.
Mediat vendase shkruajnë se bëhet fjalë për Anna Bellisario e cila kishte shkuar me të dashurin e saj në një restorant të vogël në Milano ku kishte porositur ëmbëlsirën e reklamuar si vegane, (pa përmbajtje bulmeti ose mishi) por pak pasi e kishte konsumuar ajo pësoi krizë anafilaktike. E reja është nisur menjëherë drejt spitalit, po nuk ka mundur të mbijetojë.
Autoritetet italiane kanë nisur hetimet në lidhje me ngjarjen, ndërsa dy pronaret e dyqanit të ëmbëlsirave po hetohen për vrasje nga pakujdesia, shkruajnë mediat vendase.
