Aventurës së José Mourinhos me Romën i erdhi fundi.
Pas disfatës së fundit ndaj Milanit në kampionat, drejtuesit e Romës vendosin të shkarkojnë Jose Mourinhon. Tekniku portugez nuk do të jetë më në krye të verdhekuqve teksa lë skuadrën me dy finale europiane, një në Europa League dhe një në Conference League.
“Falënderojmë José në emër të të gjithëve ne në As Roma për pasionin dhe përkushtimin që ka treguar që nga ardhja e tij në Giallorossi – thanë Dan dhe Ryan Friedkin – Ne do të mbajmë gjithmonë kujtime të shkëlqyera për menaxhimin e tij, por besojmë se, në interesat më të mira të klubit, një ndryshim i menjëhershëm është i nevojshëm. I urojmë Jose dhe bashkëpunëtorëve të tij më të mirën për të ardhmen”.
Ende nuk dihet kush do ta drejtojë Romën nga tani deri në fund të sezonit, ndërsa në njoftimin për shtyp të klubit saktësohet gjithashtu se trajneri i ri teknik i ekipit të parë do të emërohet së shpejti.
