Janë luajtur mbrëmjen e djeshme ndeshjet çerekfinale të Kupës së Shqipërisë në basketboll për meshkuj, duke përcaktuar katër ekipet më të mira, që avancojnë në fazën gjysmëfinale.
Në “Fahrie Hoti”, Tirana mundi 90-78 Apoloninë. Davis me 29 e Hysenagolli me 24 e 20 rebound ishin më të mirët për bardheblutë. Në Shkodër, Vllaznia mposhti 104-100 Teutën pas kohës shtesë ((Tucker e Saab nga 33 pikë secili). Durrsakët u ankuan disa herë për gjykimin.
Besëlidhja kryesyese e kampionatit fitoi pa probleme 105-60 ndaj Partizanit, që vinte nga faza eliminatore. Ndeshje ku u dallua Blake me 31 pikë. Fiton edhe Kamza Basket, që mundi 77-65 Flamurtarin. Diferencën në fushë e bëri Keyes, autor i 28 pikëve.
Më 19 janar në orën 19:00 Tirana do të përballet me ekipin e Kamzës, ndërsa gjysmëfinalja tjetër është mes Besëlidhjes dhe Vllaznisë.
Ndërkohë finalja e madhe do të luhet të shtunën e 20 janarit.
Çerekfinale-Meshkuj
Kamza Basket – Flamurtari, 77-65
Tirana – Apolonia, 90-78
Vllaznia – Teuta, 104-100
Besëlidhja – Partizani, 105-60
