Për të tretën ditë radhazi kanë vijuar kontrollet intensive në disa zona të Himarës, ndërsa në “lupë” kanë qenë automjetet luksoze.
Teksa FNSH dhe RENEA kanë ‘blinduar’ Vlorën, kontrollet u intensifikuan në këtë qytet pas ekzekutimin me snajper të Gëzim Sinomatit, teksa ky i fundit kishte dalë për të pirë cigare në ballkonin e banesës së tij.
Kujtojmë se 22-vjeçari Sinomati ishte duke pirë cigare në ballkon kur është qëlluar nga një distancë e afërt me snajper. Policia ka gjetur edhe një makinë të tipit BMW, të djegur në brendësi të lagjes “24 Maji”.
Deri më tani mësohet se rreth 10-15 persona janë pyetur në polici për ngjarjen që ndodhi të dielën në mbrëmje. Ata janë kryesisht familjarë të viktimës, por edhe persona që dyshohet se mund të kenë parë autorin.
