Detaje të reja kanë dalë në dritë nga krimi që ndodhi në Greqi, ku 50-vjeçarit shqiptar, Fatmir Tarellari vrau kunatin e tij (vëllain e bashkëshortes) Erjon Pelivani, pasi mori vesh se i kishte përdhunuar vajzën.
Së fundmi gruaja e Tarellarit i ka dalë në mbrojtje vëllait të saj, 33-vjeçarit Erjon Pelivanit, teksa është shprehur se ky i fundit nuk ka abuzuar me thjeshtrën e saj.
Ajo ka treguar për mediat vendase se nuk kishte dijeni lidhur me rastin, teksa shtoi se nuk do ta vizitonte burrin e saj në burg pasi sipas saj ai nuk ishte një njeri i mirë.
“Çfarëdo që është bërë, ka një ligj. Ai nuk duhej ta vriste. Së bashku kemi një fëmijë që tani është 10 vjeç…” tha njerka e 18-vjeçares për 50-vjeçarin, i cili ka dhe tre vajza nga martesa e mëparshme, ndërsa gruan e kishte humbur në një aksident automobilistik.
“Nuk dija asgjë! Ai vuajti atë që pësoi vajza dhe e tha tani, na mbylli shtëpinë… Këtë krim im shoq nuk duhej ta bënte… Askush nuk ka të drejtë të vrasë askënd… Kam duruar gjithë këtë vjet. I rrita fëmijët e tij. Vajza e tij vinte në shtëpi dy herë në javë. Nuk besoj se vëllai im i ka bërë gjë asaj”, tha ajo. Së fundi, ajo argumentoi se autori nuk është person i mirë dhe se prej vitesh kishte duruar shumë. “Ai nuk është njeri i mirë. Ai gënjente shumë, ishte ekspert. Unë që jetoja me të, e kuptova më pas. Burri nxehej kollaj, nuk ishte as baba i mirë”, përfundoi ajo.
